Di Cagnamozza a i Canali

I castagni si sò vestuti di verde. Ma u tempu un’hè tantu cammontiu.

Malgratu tuttu in Cagnamozza mi sò manghjatu due fravule. Un’ci n’era tante! e piutostu chjuche.

Quelle di u mò giardinu sò assai più belle.

Aghju pigliatu a decizione di lampami inde i Canali. A surgente mesce più che mai.

Ma un altra surpresa m’aspettava. Un gallu sturzu tuttu fungu dà l’umidità.

Allora mi sò messu a cerca. E una centinaia di metri più luntanu, torna qualchi galli sturzi.

Speremu chi quist’annu serà annata di funghi.